Fréttir

NAILS READY FOR WINTER


Ég fór nýverið í neglur og er svo yfir mig ánægð með útkomuna. Ég er það reyndar alltaf en liturinn sem ég valdi kom mér verulega á óvart en ég ákvað að velja brúnan í þetta skiptið. 
Ég elska að vera með fallegar neglur enda skilyrði í flugfreyjustarfinu en ég var orðin mjög þreytt á að lakka þær og pússa fyrir flugin og finnst svo mikill lúxus að fara á mánaðar fresti og setja gel yfir. Þær eru líka mun sterkari fyrir vikið en ég var alltaf að brjóta þær áður. 
___________________________________________________

JÓL, AFMÆLI & ÁRAMÓT Í MYNDUM


Mig langar til þess að byrja að óska ykkur kæru lesendum gleðilegs nýs árs. Vonandi höfðuð þið það sem allra best um hátíðarnar og nutuð með ykkar nánustu. 


Ég ákvað að kúpla mig aðeins út hér á blogginu og njóta hvers augnabliks í botn enda búið að vera nokkuð mikið að gera hjá mér yfir hátíðarnar. 
Ég safnaði saman nokkrum myndum sem voru teknar yfir þennan skemmtilega tíma og ætla að skella í eitt myndablogg.
Vonandi hafið þið gaman af. 

 

JÓLAINNPÖKKUN


Ég er algjört jólabarn og ELSKA að pakka in gjöfum. Ég byrja að hugsa út í jólagjafir og innpökkun langt á undan flestum, sumum á heimilinu til mikillar skemmtunar en ég meina hey, áhugamálin eru sem betur fer ólík. 
Ég ákvað að smella nokkrum myndum af herlegheitunum sem tóku ekki nema 6 klst. Já skulum bara segja að ég taki mér tíma í hlutina. 
Þið getið fylgst með þessari klikkun á snapchatkolavig 

Færslan er ekki kostuð á neinn hátt

 

ÞYRLUFLUG YFIR REYKJAVÍK


Ég skellti mér í þyrluflug um síðustu helgi ásamt góðri vinkonu og bloggaranum henni Þórunni Ívars
Norðurflug á heiðurinn af þessu flotta boði sem við að sjálfsögðu þáðum á þessum fallega laugardegi. 
Ferðin hófst á Reykjavíkurflugvelli og endaði á esjunni. Við fengum þetta æðislega útsýni yfir borgina í frábæru veðri. 
Það var margt fallegt að sjá á leiðinni og smellti í nokkrum myndum úr þessari stórskemmtilegu þyrluferð.

 

VILTU VINNA CHOKER EFTIR HILDI YEOMAN


Mig langar til að gleðja ykkur kæru lesendur í tilefni jólanna og gefa einum heppnum lesenda undurfagran choker eftir hina hæfileikaríku Hildi Yeoman
Hildur hefur verið minn uppáhalds íslenski hönnuður í nokkur ár og var ég himinlifandi þegar hún vildi hefja samstarf með mér. 
Ég hef áður fjallað um hönnun Hildar hér á blogginu í þessari færslu. 

Ég kíkti í heimsókn í verslunina Kiosk um helgina og mátaði þar nokkrar flíkur úr nýjustu línu Hildar. Æðislegar viðtökur og Destiny's Child í botni sem ýfði upp dívustælana sem var vel í takt við þröngu skvísukjólana. 

EDDA X MOSS


Ég ásamt öðrum bloggurum fékk smá forskot á sæluna í gærkvöldi og fékk að skoða EDDA X MOSS línuna sem hönnuð er af Eddu Gunnlaugsdóttur í samstarfi við Gallerí 17. Edda er menntuð í textílhönnun frá London College Of Fashion og þess má til gamans geta að hún var einu sinni einn af bloggurum FEMME.
Línan er afskaplega falleg og stílhrein. Klassískar og tímalausar flíkur sem virka við öll tilefni.
Við erum allar gríðarlega stoltar af henni og óskum henni innilega til hamingju með þessa flottu línu.

Ég ætla að deila með ykkur nokkrum myndum frá gærkvöldinu ásamt nokkrum outfit myndum af mér. Við fengum að velja okkur eina flík úr línunni og ég valdi svartan samfesting sem ég var búin að hafa augastað á.

HEIMA HJÁ MÉR - FYRIR / EFTIR


Ég breytti nýverið stofunni heima hjá mér og langar til þess að deila því með ykkur.
Þetta voru nú engar meiriháttar breytingar en við ákváðum að skipta sófaborðinu út fyrir minna. Gamla borðið var einfaldlega allt of stórt og massíft og hefur okkur langað til að skipta því út frá því að við fluttum inn fyrir 3 árum. Loksins fann ég borð sem ég gat hugsað mér að hafa inni á heimilinu en ég er mjög hrifin af þessu trendi að hafa tvö lítil borð saman. 

Eikin og glerið finnst mér koma mjög smekklega út og passar mun betur heima hjá okkur en hvít plata sem hefur verið mjög vilsælt trend á árinu. 
Borðin eru úr Rúmfatalagernum en ég ákvað að nýta mér afsáttinn sem var um helgina og fékk þau saman á rúmar 10.000 kr. (Sjá hér)

NÝTT TREND - GRÓFT NET


Ég hef áður deilt dálæti mínu af netasokkabuxum með ykkur og ætlar það engan endi að taka. Nýjasta æðið mitt eru grófar netasokkabuxur.
Ég fékk nýverið tvennar slíkar að gjöf frá Oroblu, einar svartar og hinar í nude lit en þær koma einnig í army grænu. 
Ég smellti nokkrum myndum til þess að deila með ykkur kæru lesendur.

NEW IN / DRAGT FRÁ SELECTED


Þessi fallega ullardragt frá SELECTED er nýjasta viðbótinn í fataskápinn minn. 
Ég kolféll fyrir henni eftir að ég sá mynd af Elísabet Gunnars bloggara hjá Trendnet í henni á Airwaves. Sjá hér.
Ég var ekki lengi að skutlast í Smáralindina að máta og það var ekki aftur snúið þegar hún var komin á enda ótrúlega falleg og eiguleg dragt. 
Hún er afar hlý og þægileg fyrir komandi vetur og brúni liturinn toppar allt saman og gefur ákveðinn retro fíling. 
Ég ákvað að gera smá myndaþátt fyrir helgi og deila með ykkur hér á blogginu.

___________________________________________

GLERAUGNA INSPO


Ég er aðeins farin að velta fyrir mér gleraugnakaupum og er að heillast mikið af gamla klassíska hringlaga sniðinu. 
Ég man að mamma átti gleraugu í þessum dúr þegar ég var lítil og jiminn hvað mér fannst hún púkó. Tískan gengur víst alltaf í hringi og er mig farið að langa í eitt stykki hringlaga umgjörð. 
Nú er ég bara með smá valkvíða hvort ég eigi að fá mér yrjótt, glær eða í lit. Ég er allavega búin að útiloka svarta litinn enda er umgjörðin sem ég nota hvað mest svört.  

Ég safnaði saman nokkrum myndum af Pinterest til innblásturs.