Síðasti sunnudagur hjá mér var virkilega góður. Ég ákvað að drífa mig fyrr heim en áætlað var frá Íslandi og hitta ástmanninn í London. Það getur orðið hálfruglingslegt að tala um "heim" þar sem mér finnst "heima" vera í Bretlandi þar sem ég er mestmegnis af árinu en á sama tíma er Ísland alltaf heima líka að vissu leyti. Ég lýg því samt ekki að það var virkilega gott að komast úr frostinu og þessu brjálaða veðri sem landið bauð mér upp á að þessu sinni. Enda var ég búin að detta í hálkunni, hálstogna og hálf handleggsbrjóta mig í kjölfarið. Enda væri nú varla mér líkt að fara af landi brott án þess að slasa mig á einhvern hátt eins og svo oft áður. Djók, það gerist svosem ekkert alltaf, 7,9,13 ( virkar það skriflega?).
Þá eru þessi blessuðu jól komin og farin. Desember leið eins og vika og mér fannst ég hálfpartinn missa af öllum jólaundirbúningnum. Ég hef alltaf verið mjög snemma í því og sett jólatréð upp 1.desember og byrjað að skreyta og baka snemma í mánuðinum. Tréð fór hinsvegar ekki upp í ár fyrr en í miðjum mánuði, ég bakaði ekkert og var einhverra hluta vegna ekki í jafn miklum jólagír og áður vegna anna. Það er líka alltaf smá furðulegt að vera úti því aðfangadagurinn okkar er ekki hátíðardagur hjá þeim þar sem þau halda jólin 25.desember.
Ég er algjört jólabarn og toppurinn við jólin er auðvitað góði maturinn, fast á eftir eru gæðastundirnar og afslöppunin. Að geta legið undir teppi og horft á gamlar & góðar jólamyndir sem hafa alist upp með mér er svo ljúft. Ég hreinlega elska þessar myndir og get horft á þær ár eftir ár og alltaf brosi ég yfir þeim eins og ég gerði sem barn. Ég stal þessari hugmynd af Alexöndru Helgu, hún setti nýverið lista yfir sínar uppáhalds myndir og eftir að ég las hann fór ég strax í það að horfa á þær tvær myndir sem ég hafði ekki séð á listanum.
Þá er komið að jólagjafalistanum. En þessi jólin inniheldur hann aðallega fallegt dót fyrir heimilið. Enda þykir mér afskaplega gaman að fá svoleiðis í pakkana eftir að ég byrjaði að búa. Nú er ég ekki með það á hreinu hvort þetta fáist allt á Íslandi, en hér að neðan koma síðurnar sem ég myndi versla af ef ég finn hlutina ekki á íslenskum síðum. Ef þið vitið um búðir sem selja eftirfarandi heima megið þið endilega koma með ábendingu.
Við vinkonurnar ákváðum að skella okkur til Köben beint eftir prófin til að versla og njóta í leiðinni. Ég hafði ekki farið þangað síðan ég var 12 ára og mundi takmarkað eftir því, svo mér fannst ótrúlega gaman að labba og skoða mig um þessa fallegu borg.
Hérna eru nokkrar myndir úr ferðinni!
Fjórði jólasveinninn okkar hann Þvörusleikir ætlar að gefa heppnum lesanda vöru að eigin vali úr Laugar Spa línunni.
Þegar ég tók saman þennan lista þá var ég með nokkra hluti í huga sem mér hefur lengi langað til að eignast. Ég hugsa að það hafi þó ekki reynst fólki erfitt í gegnum tíðina að gefa mér gjafið því flestir mínir nánustu þekkja mig það vel og vita hvar mín áhugasvið liggja. Það kemur því kannski ekki á óvart að mest megnis af hlutunum sem ég nefni eru snyrti og hreinsivörur. Persónulega finnst mér alltaf gaman að skoða svona lista og þeir sem eru að vandræðast með gjafir geta vonandi fengið einhverjar hugmyndir hér.
Ég átti ótrúlega góða helgi í London. Þar er allt í jólabúning og ótrúlega kósý að labba um í kuldanum. Winter wonderland var eitt af því sem var á dagskránni og stóð undir væntingum. Þar er líka besta churros í heimi.
Núna eru flestir byrjaðir að græja jólin, skreyta, pakka inn, baka, njóta..... Ef þú deilir þínu mómenti á instagram máttu endilega bæta við #femmejol og mögulega eiga jólasveinarnir aukapakka handa einhverjum sem á jólalega mynd.
Jólasveinarnir ætla gefa góðum lesendum í skóinn á hverjum degi á FEMME fram að jólum.
Hvað er betra en hverfa burt um stund og skunda eitthvað út á land í annað umhverfi, borða góða máltíð, upplifa notalegheit og slappa af með sínum heittelskaða?
Desember gengur í garð á morgun og mér skilst að það sé mikið óveður heima á Íslandi. Það er því tilvalið að koma sér í smá jólaskap og horfa á góða mynd undir teppi á þessum fína sunnudegi. Ég setti saman top 6 af mínum uppáhaldsmyndum sem ég hef alltaf horft á í aðdraganda jólanna frá því að ég var krakki.
Ég kíkti til Belgíu í fyrsta skipti á dögunum og eyddi þar nokkrum dögum í Brussel. Falleg borg, og enn betra.. Þar er að finna eitt besta súkkulaði í heimi!
Thelma er tveggja barna móðir og félagsraðgjafi að mennt og er henni er svo sannarlega margt til listanna lagt. Hún veit ekkert skemmtilegra en að töfra fram gómsætar freistingar og hefur hún gefið út bók með því efni - Freistingar Thelmu. Hún gaf einnig út bók sem heitir gleðigjafar og er sú bók lesefni sem enginn ætti að láta framhjá sér fara. Thelma segir okkur hér frá sínum fimm uppáhalds hlutum.
Ég veit fátt betra en að byrja kaldann vetrarmorgun undir teppi með góða bók og kaffi. Ég hef lengi ætlað að lesa The Body Book eftir Cameron Diaz og kom því loksins í verk í morgun. Bókin lofar ótrúlega góðu..
