Fréttir

Fullkomið sumar salat


Þegar vora tekur leitar hugurinn meira í léttari og ferskari mat í stað hins kröftuga og orkumikla mat sem við kjósum gjarnan á veturnar. Þó hitinn á Íslandi hafi lækkað eftir nokkra góða sumardaga er gott að eiga þessa salatuppskrift í til þegar sólin kemur aftur. Þetta er fullkomið sumarsalat með ferskum ávöxtum, geitaosti og hunangsbalsamik dressingu. Þú getur gert salatið eftir eigin höfði eftir því hvaða ávextir þér finnst góðir.

Sumarkokteill


Er ekki sumar í loftinu á Íslandi ? Hér er einn sumarlegur og góður kokteill af því að það er nú föstudagur. 
Lyktin af ferskri basilíku er svo góð og fersk og færð smá tilfinningu fyrir vori í lofti. Fersk basilíka pöruð með jarðarberi, Cointreau og lime. Er jafn gott að það hljómar.

 

Tapas+Sangría


Það sem ég elska við tapas er að smakka nokkra ólíka rétti og fá að kynnast fullt af mismunandi brögðum. Tapas réttir þurfa ekki að vera flóknir í framkvæmd. Hér eru þrjár klassískar tapas uppskriftir beint frá Katalóníu. Frábærar í sumar með ískaldri sangríu.

Coming up: IBIZA


Núna á föstudaginn er ég að fara með spænskri vinkonu til Ibiza yfir helgina. Ibiza er meira en bara partý eyja og bíður uppá ótrúlega fallegar strendur og náttúru. Ég ætla að taka myndir í ferðinni og verð dugleg á instagram stories.
Ibiza er ekki nema 20 mínútna flug frá Barcelona og kostaði farið mitt undir 100 evrur fram og til baka.
Við erum nokkrar að leiga íbúð á Airbnb og bílaleigubíl, ég ætla svo að taka kostnaðinn saman og skirfa smá ferðablogg ef það er áhugi fyrir því ?

Frönsk lauksúpa


Ég elska franska lauksúpu, frakkarnir segja að hún sé lækning fyrir þynnku og ástarsorg. Væri gott ef það væri satt en hver veit.
Þetta er ódýr máltíð að gera en alltaf jafn góð. 

Páskalærið


Það er hefð hjá mörgum íslendingum að bjóða uppá lambalæri á páskunum. Enda fátt betra en ljúffengur ilmurinn af íslensku lambakjöti og fá að njóta þess með góðu meðlæti og glasi af góðu víni. Ég bauð nokkrum erlendum gestum íslenskt lambakjöt hér í Barcelona og það slóg í gegn.

Pop up your bubbles


Mjög fallegur og góður freyðivínskokteill með granateplum og lime. Ekki skemmir fyrir hvað hann er einfaldur í framkvæmd. Hægt að nota Prosecco eða Cava. Fullkominn fordrykkur!

Spænsk Paella


Paella er líklega einn þekktasti réttur Spánar og er hægt að útbúa hann á margs konar hátt og nota jafnt kjöt sem fisk. Spánverjar nota yfirleitt spænsk grjón sem heita Calasparra, þau eru ekki til á Íslandi en risotto grjón duga.

Chicken Meatballs


Þegar ég bjó í Williamsburg í Brooklyn þá fékk ég æði fyrir kjötbollum eftir að hafa uppgötvað veitingastaðinn The Meatball Shop, sem varð einn af mínum uppáhaldsveitingastöðum. Réttirnir eru allir búnir til frá grunni og auðvelt er því að búa til alls konar hollar samsetningar af bollum og salati.

Ég pantaði uppskriftarbók staðarins rétt eftir að ég flutti heim en í henni eru allar bollurnar, til dæmis kjúklinga, grænmetis, svínakjöts og í allskonar útfærslum. Sósurnar, salötin ásamt eftirréttum og kokteilum má auðvitað finna líka.

UPPÁHALDS KJÚKLINGASALATIÐ


Ég eldaði þetta guðdómlega kjúklingasalat fyrir nokkru síðan og deildi með fylgjendum mínum á snapchat (kolavig). Áhuginn leyndi sér ekki og fékk fjölda spurninga um uppskriftina. Ég ákvað því að deila henni ásamt nokkrum myndum sem ég tók á símann minn með ykkur kæru lesendur. 

Lúxus hamborgari með beikonsultu


Það er jafnast fátt á við góðan hamborgara og margir eiga eflaust sinn uppáhalds borgara. Það er líka viss stemning sem skapast að bjóða fólki í góða hamborgaraveislu, einfaldur matur sem flestum þykir góður. Hér er ég með eina frábæra uppskrift af lúxus hamborgara sem enginn ætti að láta framhjá sér fara. En það sem gerir hann að „lúxus“ borgara er beikon-rauðlaukssultan.

GJAFALEIKUR-MOSCOW MULE


Vinsælasti drykkurinn þessar mundir er klárlega Moscow Mule sem er drukkinn í fallegu kopar glasi.
Undirstaðan í þessum kokteil er Ginger Beer og ætla ég í samstarfi við Britvic á Íslandi að gefa tveimur heppnum tvö koparglös og kassa af Britvic Ginger Beer.

Gulróta-sætkartöflu-engifersúpa


Fullkominn kvöldverður! 

COSMO WITH A TWIST


Það er eitthvað við stemminguna og að drekka Cosmopolitan. Ætli það sé ekki þessi Sex and the city moment sem við þekkjum svo margar.
Þær komu þessum drykk klárlega í tísku á þeim tíma. Þetta er einn af mínum uppáhalds kokteilum og svona "my go to" drykkur, það er bara eitthvað svo fabulous að drekka þá eins og Samantha vinkona mín sagði alltaf.

 

DIY: Champagne Tower


Ég hef oft séð þetta á myndum og í bíómyndum og alltaf hugsað "glætan að ég myndi þora þessu" en ég fann skemmtilega DYI síðu sem kennir þetta skref fyrir skref. Gæti verið skemmtilegt í næsta partýi eða afmæli. Myndvænt og skemmtilegt.

Coq Au Vin


Þessir köldu vetrardagar kalla á einhvers konar „comfort food“ og þá hugsa ég oft um franska pottrétti og þá aðallega um fræga réttinn Coq au vin (kjúklingur í víni). Hann er fullkominn á dögum sem þessum. Rétturinn er líka rómantískur, borin fram með rauðvíni og hentar því fullkomlega fyrir komandi Valentínusardag. Af hverju ekki að koma ástinni þinni á óvart með klassískum frönskum rétti og góðu rauðvíni?

3 ídýfur fyrir Superbowl Sunday


Úrslitaleikurinn í ameríska fótboltanum eða Ofurskálinni (e. Super Bowl) eins og leikurinn er gjarnan kallaður fer fram núna á sunnudaginn. Leikurinn er einn allra vinsælasti íþróttaviðburður ársins og horfa hundruð milljóna á hann í sjónvarpi.

Á meðan leikurinn fer fram er vinsælt að fá sér snarl og eru kartöfluflögur, kjúklingavængir og bjór fyrsti kostur ansi margra.

Síðastliðin ár hafa vinsældir á leiknum aukist hér á landi, þar sem vinahópar koma saman og horfa á með öllu tilheyrandi snarli.

Ég setti saman þrjár uppskriftir af frábærum ídýfum fyrir slíkan hitting. Ég passaði að hafa uppskriftirnar þannig að hægt væri að nýta sum hráefnin í allar ídýfurnar

Lúxus matarboð á 15 mínútum


Ertu með matarboð með suttum fyrirvara eða búin seint í vinnu og matarboðið klukkan 7 ?
Hér er uppskrift sem er fljótleg en hrikalega góð. Gætir alveg logið til um að þú hafir verið í eldhúsinu í allan dag.

Allt öðruvísi bóndadagsmáltíð


Á bóndadögum dekrum við oft bóndann með góðum mat, ég hef undanfarin ár eldað góða steik með góðu rauðvíni og meðlæti en núna ætla ég að breyta aðeins til og deila með ykkur uppskrift af máltíð sem á eftir að dekra vel við bóndann.

Þetta er uppskrift að ekta “southern fried chicken”. Að djúpsteikja hefur alltaf verið aðferð sem hefur hrætt mig mjög og hef ég aldrei lagt í það en veistu þetta er ekki eins mikið mál og ég hélt.

Ég fann uppskrift eftir sjálfan John Ledgend en breytti henni smá og sló hún heldur betur í gegn. Ég var með fjóra karlmenn í mat til að smakka og fékk ég mjög jákvæð viðbrögð, það góð meðmæli að þetta væri miklu betra en KFC!