Pesto Pasta

27 Apr 2015

Ég ætla að deila með ykkur einum hrikalega fljótlegum og einföldum rétt sem þægilegt er að elda þegar þú hefur lítinn tíma.

Það sem þú þarft er:

Fusilli pasta (mér finnst gott að nota Fusilli því þá fer pestó-ið inná milli "skrúfanna")
Filippo Berio grænt pestó
Parmesan ostur
1 pakki af sveppum
Svartar ólífur
2 hvílauksgeira
Fetaost


Sjóðið pastað samkvæmt pakkningunni.

Byrjið á að skera sveppina og steikið þá á pönnu með smjöri og hvítlauknum. 
Takið síðan pönnuna af hellunni og bætið við ólífunum og fetaostinum og blandið öllu saman.

Þegar pastað er tilbúið þá hellið þið vatninu úr og setjið pastað í skál.

Setjið sirka hálfa krukku af pestó í skálina með pastanu og hrærið saman þangað til pestó-ið er búið að blandast vel saman við pastað.


Að lokum helliði því sem var á pönnunni yfir og blandið saman.


Rífið síðan parmesan ost yfir og þá er þetta tilbúið.

Myndir skref fyrir skref, er það kannski þægilegra en langur texti?
Vona að þið njótið.

Marta Rún
#pasta