Sumarlambalæri

23 Jul 2017

Þetta er alveg frábær uppskrift af lambalæri með indversku ívafi. Þegar það er sumar þá er ég allavega ekki í stuði fyrir svona þungt lambalæri með brúnuðum kartöflum, baunum og heitri sósu eins og það er nú gott stundum. Mig langaði að gera eitthvað öðruvísi og vera með létt meðlæti og kalda sósu og fór ég þá í netleiðangur og fann nokkrar hugmyndir.
Mér persónulega fannst lambið ótrúlega gott og öðruvísi og kóríander og myntusósan passa mjög vel við ásamt léttu og fersku meðlæti.



Marenering


150g hreint jógúrt
1 þumall af fersku smátt söxuðu engiferi
3 pressaðir hvítlauksgeirar
1 msk tómatapúrra
safi úr 1/2 lime
1 tsk cumin 
1 tsk túrmerik
1 tsk þurrkað chilli
1 handlúka af ferskum söxuðum kóríander


Saltið og piprið lambalærið og makið svo mareneringunni yfir allt lærið og setjið inní ísskáp í að minnsta kosti 3 klukkutíma eða yfir nótt.
Takið það svo út úr ísskápnum hálftíma áður en það á að fara inn í ofn.


 

Best er að nota kjöthitamæli til að tryggja að lærið verði hæfilega eldað.

Meðalsteikingartímar fyrir lambasteik við 160-180°C hita:
Mjög-lítið steikt, 20-25 mínútur fyrir hvern 500 g og kjarnahiti 45-50°C
Lítið steikt 25-30 mínútur fyrir hver 500 g og kjarnahiti 55-60°C
Meðal steikt 30-35 mínútur fyrir hver 500 g og kjarnahiti 60-65°C
Vel steikt 30-40 mínútur fyrir hver 500 g og kjarnahiti 70-75°C
Gegnsteikt 40-45 mínútur fyrir hver 500 g og kjarnahiti 75-80°C

Kúskús

1 bolli kúskús
1/2 granatepli
1/2 dós maísbaunir
1 lúka af söxuðu grænkáli
Salt&pipar




Salat

Tómatar
Gúrka
Rauðlaukur
Fetaostur
1 tsk Oregano
3 msk Olífuolía
2 msk Rauðvínsedik

Skerðu allt grænmetið í litla bita í skál og settu síðan oregano, olíu og edikið og blandaðu saman.




Sósan

Myntu, kóríander, mangó, jógúrtsósa
Mér fannst þessi passa rosalega vel með lambinu og gæti passað vel með góðu grillkjöti eða á salat.

1 lúka smátt söxuð mynta
1 luka smátt saxaður kóríander
1 pressaður hvítlauksgeiri
1 msk mango chutney
2 dollur júgúrt eða eins og 1 bolli
Klípa af salti



Ég gerði sætkartöflumús með smjöri, limesafa, salti og pipar og bar það með undir lærinu.
Mér finnst betra að skera stóra bita af beininu og skera það svo í sneiðar heldur en að skera beint af lærinu.





Smá twist á sunnudagslærið! 
Hvernig finnst ykkur ?